आम्ही उपचार करत असलेले कर्करोग
सर्व प्रकारच्या कर्करोगांवर व रक्ताच्या कर्करोगावर उपचार – निदान, केमोथेरपी, टार्गेटेड थेरपी, इम्युनोथेरपी व सेकंड ओपिनियन; सर्जन व रेडिएशन तज्ज्ञांसोबत समन्वय.
स्तनाचा कर्करोग
स्तनात गाठ, स्तनाच्या आकारात किंवा त्वचेत बदल, स्तनाग्रातून स्राव – ही लक्षणे दिसल्यास लगेच तपासणी करा. लवकर निदान झाल्यास स्तनाचा कर्करोग बहुतांश वेळा पूर्ण बरा होतो.
फुफ्फुसाचा कर्करोग
दोन आठवड्यांपेक्षा जास्त खोकला, खोकल्यातून रक्त, धाप लागणे, वजन कमी होणे – ही लक्षणे दुर्लक्षित करू नका. आज अनेक रुग्णांना गोळ्यांच्या स्वरूपात टार्गेटेड थेरपी देता येते.
रक्ताचा कर्करोग (ब्लड कॅन्सर)
ल्युकेमिया, लिम्फोमा व मायलोमा हे रक्ताचे कर्करोग आहेत. सतत ताप, अशक्तपणा, अंगावर डाग, गाठी येणे किंवा हाडदुखी असल्यास रक्ततज्ज्ञांचा सल्ला घ्या. अनेक रक्ताचे कर्करोग उपचाराने बरे होतात.
तोंड, घसा व मानेचा कर्करोग
तंबाखू, गुटखा, खर्रा व धूम्रपानामुळे तोंडाचा कर्करोग मराठवाड्यात खूप सामान्य आहे. तोंडात न भरणारी जखम, पांढरा/लाल डाग, तोंड कमी उघडणे किंवा मानेवर गाठ असल्यास लगेच दाखवा.
मेंदूतील गाठ (ब्रेन ट्यूमर)
सतत वाढणारी डोकेदुखी, फिट्स (झटके), उलट्या, दृष्टी किंवा बोलण्यात बदल ही मेंदूतील गाठीची लक्षणे असू शकतात. शस्त्रक्रिया व रेडिएशननंतर केमोथेरपी आमच्याकडे दिली जाते.
मूत्रपिंडाचा कर्करोग
लघवीत रक्त, कमरेच्या बाजूला दुखणे किंवा गाठ ही मूत्रपिंडाच्या कर्करोगाची लक्षणे आहेत. बहुतेक वेळा सोनोग्राफीत योगायोगाने सापडतो. प्रगत आजारात टार्गेटेड थेरपी व इम्युनोथेरपी उपयोगी आहे.
पोट, आतडे, यकृत व पित्ताशयाचा कर्करोग
गिळताना त्रास, सतत अपचन, उलटीत किंवा शौचातून रक्त, कावीळ, वजन कमी होणे – ही पोटाच्या कर्करोगाची लक्षणे असू शकतात. पित्ताशयाचा कर्करोग महाराष्ट्रात तुलनेने जास्त आढळतो.
गर्भाशय, गर्भाशयमुख व अंडाशयाचा कर्करोग
मासिक पाळी बंद झाल्यानंतर रक्तस्राव, शारीरिक संबंधानंतर रक्तस्राव, दुर्गंधीयुक्त स्राव, पोट फुगणे – ही लक्षणे दुर्लक्षित करू नका. पॅप स्मिअर व HPV लस गर्भाशयमुखाच्या कर्करोगापासून संरक्षण देतात.
प्रोस्टेट, मूत्राशय व वृषणाचा कर्करोग
लघवीत रक्त, लघवीला वारंवार जावे लागणे, धार कमी होणे, हाडदुखी किंवा वृषणात गाठ – ही लक्षणे तपासून घ्या. वृषणाचा कर्करोग तरुण पुरुषांमध्ये होतो व बहुतांश बरा होतो.
हाडे व स्नायूंचा कर्करोग (सार्कोमा)
हात-पायात वाढणारी गाठ, रात्री वाढणारी हाडदुखी किंवा हाडाजवळ सूज – विशेषतः मुलांमध्ये व तरुणांमध्ये – दुर्लक्षित करू नका. सार्कोमावर अनुभवी टीमकडून उपचार आवश्यक आहेत.
लिम्फोमा (गाठींचा कर्करोग)
मान, काख किंवा जांघेत न दुखणाऱ्या गाठी, ताप, रात्री घाम येणे व वजन कमी होणे ही लिम्फोमाची लक्षणे आहेत. बहुतेक लिम्फोमा उपचाराने पूर्ण बरे होतात किंवा दीर्घकाळ नियंत्रणात राहतात.
मल्टिपल मायलोमा
कंबरदुखी, हाडदुखी, हाड सहज मोडणे, रक्तक्षय, मूत्रपिंडाचा त्रास – विशेषतः ५० वर्षांवरील व्यक्तींमध्ये – मायलोमाचे लक्षण असू शकते. आधुनिक उपचारांनी हा आजार अनेक वर्षे नियंत्रणात राहतो.
मूळ ठिकाण न सापडलेला कर्करोग
कधी कर्करोग शरीरात पसरलेला सापडतो पण तो कोठून सुरू झाला ते कळत नाही. योग्य बायोप्सी चाचण्या, PET-CT व तज्ज्ञ चर्चेने बहुतेक वेळा योग्य उपचार ठरवता येतात.
डेस्मॉइड ट्यूमर (फायब्रोमॅटोसिस)
डेस्मॉइड ट्यूमर ही शरीरात पसरत नाही अशी, पण आजूबाजूला वाढणारी गाठ आहे. अनेक वेळा लगेच शस्त्रक्रिया न करता निरीक्षण किंवा औषधोपचार अधिक चांगला ठरतो.
अमायलॉयडोसिस
अमायलॉयडोसिसमध्ये असामान्य प्रथिने हृदय, मूत्रपिंड व नसांमध्ये साचतात. पायावर सूज, लघवीत फेस, धाप, हातापायांना मुंग्या येणे ही लक्षणे आहेत. लवकर निदान अत्यंत महत्त्वाचे आहे.
आमचा पत्ता
श्री वी केअर क्लिनिक, युनायटेड केअर हॉस्पिटल, वेदविस्टा टॉवर्स, एन-३ सिडको, जालना रोड, छत्रपती संभाजीनगर (औरंगाबाद), महाराष्ट्र ४३१००३
+91 76889 29292 · +91 77448 80091 · +91 77448 87791
केमोथेरपीदरम्यान ताप, रक्तस्राव, धाप लागणे किंवा गोंधळल्यासारखे वाटल्यास तात्काळ जवळच्या आपत्कालीन विभागात जा. आमचे भरती व आपत्कालीन रुग्ण मेडिकव्हर हॉस्पिटल, छत्रपती संभाजीनगर येथे पाहिले जातात.